የአዲስ አበባ መለስ ዜናዊ የስራ አመራር ኢንስቲትዩት አመራርርና ሰራተኞች አንድነት ፓርክን ጎበኙ

የአዲስ አበባ መለስ ዜናዊ የስራ አመራር ኢንስቲትዩት አመራርርና ሰራተኞች አንድነት ፓርክን ጎበኙ
የተቋሙ አመራርና ሰራተኞች ሰሞኑን ፓርኩን የጎበኙ ሲሆን ከጉብኝቱ ተሳታፊዎች መካከል አንዳንዶቹ በሰጡት አስተያየት በዚህ አጭር ጊዜ ውስጥ ጠቅላይ ሚኒስትሩ በሰሩት ስራ መገረማቸውን ገልፀዋል፡፡
በቤተ መንግስት አካባቢ በዝግታ መራመድ ቀርቶ ዞሮ ማየት የሚከለከልበት ጊዜ እንደነበር የቅርብ ጊዜ ትውስታችን ነው፡፡ አሁን ግን ግቢ ውስጥ ገብቶ በነፃነት መንቀሳቀስ ብቻ ሳይሆን ያንን የሚያስፈራ ድባብ አሽቀንጥሮ የጣለ እና ለአይን መስህብ የሆነ ኢትዮጵያን በትንሽ ቦታ ፍንትው አድርጎ የሚያሳይ ነገር በመመልከታችን ተደስተናል ብለዋል፡፡
በመጨረሻም የኢፌዴሪ ጠቅላይ ሚኒስትር ዶክተር አብይ አህመድን ያመሰገኑ ሲሆን ሁላችንም ልዩነቶቻችንን አጥብበን በትብብር ብንሰራ ኢትዮጵያን በትንሽ አመታት ውስጥ መቀየር እንደምንችል በአንድነት ፓርክ ተምረናል ብለዋል፡፡