የዘንድሮው የብሔር ብሔረሰቦች ቀን የተጀመረውን ሀገራዊ አንድነት ለማጠናከር አይነተኛ ሚና እንደሚጫወት ተገለፀ

train3

የኢፌድሪ ህገ መንግስት የፀደቀበትን ህዳር 29 መነሻ በማድረግ በየአመቱ የሚከበረው የብሔር ብሔረሰቦችና ህዝቦች ቀን በዓል ለአስራ ሶስተኛ ጊዜ ‹‹በብዝሃነት የደመቀ የኢትዮጵያ አንድነት›› በሚል መሪ ቃል የአዲስ አበባ መለስ ዜናዊ አመራር አካዳሚ አመራርና ሠራተኞች ዕለቱን በፓናል ውይይት እና በሻማ ማብራት ስነ ስርዓት አክብረው ውለዋል፡፡ በእለቱ 95 የአካዳሚው አመራሮችና ሰራተኞች የታደሙ ሲሆን’’ብዝሃነት፣ መቻቻልና እርቅ ለአገራዊ አንድነት ግንባታ’’ በሚል ርዕስ የተዘጋጀው የመወያያ ፅሁፍ በአካዳሚው ምክትል ዋና ዳይሬክተር እና የአስተዳደር ልማት ዘርፍ ሀላፊ በአቶ ምስራቅ ወርቁ ቀርቦ ሰፊ ውይይት ተካሂዷል፡፡train4

እንደ ዳይሬክተሩ ገለፃ መቻቻል ሽንፈት አይደለም፣ ውርደት ወይም ጥቅምን አሳልፎ መስጠትም አይደለም፡፡ መቻቻል ከሁሉ በላይ ሰብዓዊ መብቶችንና ሌሎች መሰረታዊ ነፃነቶችን እውቅና ከመስጠት የሚመነጭ አወንታዊ አመለካከት ነው፡፡ ሀገራዊ እርቅም ለሀገራዊ አንድነት ግንባታ ያለው አስተዋፅኦ ከፍተኛ መሆኑን ባቀረቡት ሰነድ አመላክተዋል፡፡
የአካዳሚው ዋና ዳይሬክተር አቶ ሀርጋሞ ሀማሞ በበኩላቸው ባደረጉት የመዝጊያ ንግግር እንደገለፁት የብሔር ብሔረሠቦች ቀን መከበሩ ሁሉም ብሔር ያለውን ቋንቋ፣ባህል፣ወግና ውበት እንዲያንጸባርቅና ሀገራዊ አንድነቱን አጉልቶ እንዲያሳይ ያደርጋል፡፡ ብዝሀነት መቻቻልና እርቅ ለሀገራዊ አንድነት ግንባታ ያለው ጠቀሜታ ከፍተኛ በመሆኑ ወደ መሬት አውርዶ መተግበር ይገባል ብለዋል፡፡
ከተሳታፊዎች መካከል አቶ አፈወርቅ ግዛው በሰጡት አስተያየት የበዓሉ መከበር ባህላችንን አጉልተን እድናሳይ ከማድረግ ባለፈ አንድነታችንን ለማጠናከር ያግዛል፡፡ በተራ ጠብ ምንያት ወደ ብሔር ግጭት የሚስፋፋበት አካሔድ እየተመለከትን ነው፡፡ ይህ ደግሞ ካለመደማመጥና ካለመግባባት የሚመጣ ችግር ስለሆነ በመነጋገር መቻቻልን ማስፈን ተገቢ ነው ብለዋል፡፡ በሌላ በኩል ሀገራዊ እርቅ ማድረግ እጅግ አስፈላጊ ነው፡፡ ለነገ የምናሳድረው ሳይሆን ጊዜው አሁን በመሆኑ በጥንቃቄና ሳይንሳዊ በሆነ መንገድ ሊተገበር ይገባል ብለዋል፡፡ ሌሎች አስተያየት ሰጪዎች ለውጡን ለማስቀጠልና ሀገራዊ አንድነት ግንባታው እውን እንዲሆን የበኩላችንን ድርሻ ለማበርከት ተዘጋጅተናል ሲሉ ተናግረዋል፡፡

Share and Enjoy

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS
Posted in Uncategorized.

Leave a Reply

Your email address will not be published. Required fields are marked *